fbpx

每日節目推介|《全民造星 3 》全新賽制邀已出道男女參賽 質素參差僅 50 人入圍

ViuTV 皇牌節目《全民造星》來到第三輯,今次由全男班換成已經出道,男同女都有,為仔而睇《全民造星》嘅今次相信會失望,但對一部份話唔應該咁快開新一輯嘅人來講,今次全新玩法,唔再係棒新人棒「舊人」,又收唔收貨呢?今晚起逢星期一至五晚 10 點半《全民造星 3 》!

《全民造星 3 》原定有 83 位參賽者,但因質素參差要舉行前哨戰僅 50 人留低

首先引用返《造星 2 》同今次《造星 3 》部份粉絲所講, MIRROR 同 ERROR 都未棒紅,點解咁快開新一輯而唔係棒紅佢哋先?《造星》系列明顯係 ViuTV 皇牌節目,亦係每年必有嘅節目,但由上輯開始有部份網民就覺得唔應該咁「急」開新一輯,來到今輯招募時同樣有一樣嘅聲音,咩叫「紅」咩叫棒完,其實無答案。節目監製花姐就話因為今年肺炎關係,好多藝人都無工作,所以改《造星 3 》賽制,搵來已經加入娛樂圈,未必有太多人認識,因為今次肺炎而無工作嘅人,希望同大家共渡時艱。今次改賽制無疑會影響睇開前兩季嘅人,始終睇開幾十個仔仔,而家要男女混合,男觀眾會唔會因為有女仔而睇,相信唔會,但改賽制另一樣好處係,對比由零開始棒一個藝人出來,今次只係助攻方式令一個人爭加曝光,加上《造星 2 》至今只簽三個人,亞軍 MC 同季軍 Oscar 自己決定唔簽約,相信可改變部份對「咁快開新一輯」嘅人嘅想法。

今輯《全民造星》僅有兩位導演,分別是林二汶及彭秀慧

據知首集節目參賽者質素參差,大會決定先舉辦前哨戰,83 位參賽者需爭奪 50 個位的入圍名額,先可以正式成為《全民造星 3 》入圍者,而首集就有 Eric Kwok 、卓韻芝、Joey Tang 成為前哨戰嘅評判來評選參賽者,之後再由兩位導演林二汶同彭秀慧揀選入自己嘅一隊。《全民造星 3 》有 35 集將會播到 12 月底,之後同上兩輯一樣舉行決賽,參賽者方面包括 E-Kids 成員 Alan 林詠倫,演員顧定軒,曾經簽約 ViuTV 並為《瑪嘉烈與大衛系列 綠豆》唱主題曲嘅黃劍文。

【今晚推介節目】
? 8P on 港台電視31《鏗鏘集》
? 930P on ViuTV《暖男爸爸》
? 1030P on ViuTV《全民造星 3》

Total
0
Shares
Prev
每日節目推介|《Chill Club》今集起盧巧音擔嘉賓主持 Dear Jane 李幸倪任嘉賓

每日節目推介|《Chill Club》今集起盧巧音擔嘉賓主持 Dear Jane 李幸倪任嘉賓

Next
【雙十一優惠】日本城推兩優惠 買滿 $110 送 $10 優惠券

【雙十一優惠】日本城推兩優惠 買滿 $110 送 $10 優惠券

You May Also Like