由 CBS 拍攝，時間定於《星空奇遇記》電影嘅十年前，相隔差唔多一年半，《星空奇遇記：發現號》（ Star Trek : Discovery ）第三季今日啟播，上季講到紅天使原來就係麥珂嘅媽媽，大結局佢穿上紅天使戰衣，聯同聯邦人員擊敗 A.I. Control ，之後穿越時空去到 950 年之後，而今季繼續有港人熟悉嘅楊紫瓊。
首先講聲，因為劇集同 CBS 同步所以並非全季上架，而係要一集一集追。上季《星空奇遇記：發現號》視野大咗好多，因為有咗 Warp Drive 可以以快過光嘅速度喺銀河系到穿梭，變相周圍去為唔同星球嘅文明傳檔或者保存佢哋，去到結局更加穿梭到 950 年之後。至於今季，有外國傳媒就評為有《星球大戰》嘅影子，首集就講到因為神秘大災難，令到發動 Warp Drive 嘅原材料 Dilithium 絕種，星際艦隊亦都成為傳說， 銀河系亦都細咗，麥珂遇到新角色 Book ，一個識同動物溝通令植物還原嘅人，佢將會幫助麥珂令星際艦隊重現。《星空奇遇記：發現號》第三季逢星期五於 Netflix 上架新一集，而第四季已經開始拍攝。
【#今晚推介節目】
? 815P on #衛視卡式台《#戀上你的床》
? 1030P on ViuTV《#當遊客不存在》
? 11P on ViuTV《#吃掉前男友》
