fbpx

《大叔的愛》下周首播,Edan 疑非禮女生幸獲黃德斌英雄救美

ViuTV 今年最備受期待的劇集《大叔的愛》將於 6 月 28 日首播,改編自大受歡迎的日劇《大叔的愛》,港版除了保留日版角色及情節外,亦加插很多獨特的香港元素,包括一幕 Edan 在巴士被誤會非禮女乘客,黃德斌英雄救美的一幕。

黃德斌英雄救美。

《大叔的愛》下周首播,預告入面一幕巴士「英雄救美」獲網民大叫「期待」,原來劇情是講到 Edan 在巴士上被誤會非禮女乘客,黃德斌英雄救美,為 Edan 解圍後更把對方擁入懷中!黃德斌指戲情是「巴士奇遇結良緣」,仲話自己貼地不時坐公共交通工具:「因為太方便,唔洗周圍搵車位嘛!我地平時坐車都收埋自己,唔會招惹啲咩誤會,即使見人鬧交都未必出聲,除非去到動手動腳啦,如果唔係,唔會介入人地鬧交。」

Edan 自嘲貧窮,所以是巴士常客,笑言車上不時與 Anson Lo 短訊傾劇本:「我地之前真係好驚,因為呢部劇買晒版權,要係原著同自己風格中搵平衡。可能我地未夠專業啦,平時我地都會攬頭攬頸咁玩,所以唔會太尷尬!最近係 Anson 自己加戲,或者拍錫錫戲個陣加啲嘢,咁就嚇親我囉!」

Anson Lo 就要話投入與 Edan 的感情,不時向對方獻媚:「冇辦法啦,識咁耐都唔會痴咁埋傾計,所以今日都幫佢攞飯、攞埋餐具,做到細心啲咁,希望可以搵到個份感覺。」同場的混血兒 Asha 就話被人嫌棄鬼妹仔口音,要糾正做地道「港女」:「導演有日尷尬咁話我有鬼妹仔口音,我話我真係鬼妹仔嚟架!所以依家學緊咬字,要做個地道香港人先得!」

Total
0
Shares
Prev
DON DON DONKI 名珠城店快閃優惠,僅限三日

DON DON DONKI 名珠城店快閃優惠,僅限三日

Next
蘋果或未能支薪,周六或為蘋果日報最後見街日

蘋果或未能支薪,周六或為蘋果日報最後見街日

You May Also Like