原定八月首播嘅韓劇《Do Do Sol Sol La La Sol》，因武肺關係及當中演員之一嘅許東元感染武肺，令劇集延至今日先首播，由李宰旭同高雅羅主演嘅劇集《Do Do Sol Sol La La Sol》今晚起逢星期三同四晚 Netflix 緊貼韓國上架。
《Do Do Sol Sol La La Sol》由《意外發現的一天》而紅嘅李宰旭同高雅羅主演嘅迷你劇《Do Do Sol Sol La La Sol》，無錯係無中文嘅！故事講飾演活力滿滿鋼琴家嘅具拉拉嘅高雅羅，一夜之間突然變成身無分文，但都無感到挫敗，積極面對人生逆境，期間遇到擁有豐富打工經歷飾演宣宇俊嘅李宰旭，佢雖然有魅力但就無夢想無目標，只求打工維持生活，當然因為某啲嘢令兩人鍾意上對方啦。
其實今日唔止一部韓劇上架，另一部有由高庚杓同徐玄主演，收費台 JTBC 劇集《私生活》，講生活型詐欺師不經意介入了國家級「隱私」，為咗能夠生存落去，必須施展所有詐欺技術同大企業鬥落去。劇集同樣與韓國同步，喺 Netflix 上架。
同埋，男神李棟旭同趙寶兒主演嘅《九尾狐傳》，講喺繁華鬧市入面住咗隻九尾狐，同追蹤佢嘅女製作人之間嘅愛情故事。劇集香港版權落喺大台到，「今晚睇咩好」一向唔鼓勵大家睇翻版，但大家搵到有咩其他方法睇，咪留言分享囉。
【今晚推介節目】
? 8P on #港台電視31《想點》
? 930P on #ViuTV《熟女強人》
? 1030P on ViuTV《玩謝我阿婆》
