節日呢樣嘢有拖拍嘅咪覺得開心，有機會使錢拖另一半出街威威，但無拖拍嘅咪覺得節日呢樣嘢多餘又眼冤囉！兩個同樣唔鍾意節日嘅人遇上，協議來緊一年做大家節日情人，仲話點都唔會愛上對方，咁天真，《節日限定之戀》（Holidate） Netflix 上架。
《節日限定之戀》由愛瑪羅拔絲 (Emma Roberts) 同路克巴斯 (Luke Bracey) 主演，上架幾日成為香港十大最多人睇節目之一，但爛蕃茄只得 43% ， IMDB 6.2 分，星期六日播來睇燒時間係唔錯選擇嘅。故事講兩人遇上後，協議喺未來一年擔當對方節日情人，結伴去每個喜慶場合，同樣唔鍾意節日嘅兩個人，承諾唔會愛上對方，但因為經歷不同節日，經歷搞笑又挑逗嘅歡鬧時光，一年慶祝活動去到尾聲，佢哋就發現難得搵到個可以分享討厭事物嘅人，都幾幸福呀！
【#今晚推介節目】
? 8P on #ViuTV《#台上台下》
? 930P on ViuTV 週六好戲勢《殺破狼 II》
? 10P on #Now爆谷台《#凶櫃》
