超受歡迎的 ViuTV 選秀節目《全民造星 3 》剩下最後兩星期播映，便會直接進入決賽。今季《全民造星 3 》繼續引起網民討論，其中表演《給十年後的我》的 A 組獲網民大讚，可惜比賽入面卻輸給 B 組，令網民指節目是《全民造馬》又盼盼到 ViuTV Facebook 派嬲，有人更攻擊指 Ansonbean 及Timo 因為是「契仔」，指他們屬 B 組所以不論表演好定差，都會直接晉級，但最估唔到係，十強決賽 Timo 已經被 Foul，連 A 組大組顧定軒及 Manson 亦無緣晉級 ，最最最估唔到係整個比賽最呆嗰個入咗。
其實《全民造星 3 》十強早於上月尾已知，只是留待節目播到最後一星期才公佈，而決賽早已定在 12 月 26 日舉行。據知能夠進入十強的分別是 A 組及 B 組各五人，A 組分別是 Cloud 、 Ben 、陳葦璇、 Alina 及 Mischa ，至於 B 組則是 NY 、 KLau 、 Ansonbean 、Kimman 及爆大冷 CY 。
前 AS ONE 成員陳葦璇，唱歌跳舞出色，可以話係三甲甚至冠軍大熱，可惜性格得唔到網民歡心。
有媒體向節目監製花姐查詢泄漏的十強名單，花姐沒有否認又回覆指：「我有聽聞，不過真定假，為左（咗）觀眾，唔會講啦，只知我同兩個導師，強尼都會留到決賽。」，又稱叫「內鬼」講《全民造星》從來沒造馬。
