fbpx

含劇透!《全民造星 3 》 10 強名單率先揭盅,估唔到連佢都入圍!

超受歡迎的 ViuTV 選秀節目《全民造星 3 》剩下最後兩星期播映,便會直接進入決賽。今季《全民造星 3 》繼續引起網民討論,其中表演《給十年後的我》的 A 組獲網民大讚,可惜比賽入面卻輸給 B 組,令網民指節目是《全民造馬》又盼盼到 ViuTV Facebook 派嬲,有人更攻擊指 Ansonbean 及Timo 因為是「契仔」,指他們屬 B 組所以不論表演好定差,都會直接晉級,但最估唔到係,十強決賽 Timo 已經被 Foul,連 A 組大組顧定軒及 Manson 亦無緣晉級 ,最最最估唔到係整個比賽最呆嗰個入咗。

其實《全民造星 3 》十強早於上月尾已知,只是留待節目播到最後一星期才公佈,而決賽早已定在 12 月 26 日舉行。據知能夠進入十強的分別是 A 組及 B 組各五人,A 組分別是 Cloud 、 Ben 、陳葦璇、 Alina 及 Mischa ,至於 B 組則是 NY 、 KLau 、 Ansonbean 、Kimman 及爆大冷 CY 。

Cloud 雲浩影絕對是大熱,樣子甜美,呆下呆下嘅性格,唱歌跳舞樣樣掂,加上連登仔熱棒,入三甲絕對可以
憑折骨舞而驚為天人嘅 BEN ,被網民稱與 CLOUD 是 CP ,樣子未必最好但勝在夠獨特
29 歲的 ALINA 是 MIRROR 成員大表哥 STANLEY 女朋友,非常跳得
MISCHA 葉巧琳,完全睇唔出 35 歲,超級唱得
非常有韓仔感覺嘅 NY ,來自 B 組最強隊 B3 ,多次表演跳舞都令人印象深刻
第二次參加《全民造星》的 KLau ,是前男子組合 REVE 成員, RAP 得但表現飄忽,好麻麻
被指是花姐契仔的 ANSONBEAN , 19 歲之齡參賽同姜 B 有得揮,跳得舞嘅靚仔,被網民追擊
由 VIUTV 藝員,唱埋劇集主題曲,點知唔續約 VIUTV 加入《全民造星》, KIMMAN 擅長於自彈自唱,慢歌為主,快歌好似無聽佢唱過
至於 CY ,由參賽開始呆到三十強,可愛樣子,估唔到三十強佢又唱得下,但感覺又呆又 HEA 又唔知做咩,入 30 強可以話爆冷

有媒體向節目監製花姐查詢泄漏的十強名單,花姐沒有否認又回覆指:「我有聽聞,不過真定假,為左(咗)觀眾,唔會講啦,只知我同兩個導師,強尼都會留到決賽。」,又稱叫「內鬼」講《全民造星》從來沒造馬。

Total
0
Shares
Prev
蘋果推出罩耳式耳機 AirPods Max,超貴售價值唔值?

蘋果推出罩耳式耳機 AirPods Max,超貴售價值唔值?

Next
每日節目推介|家瑜被迫放棄教力圖 重遇當年魔鬼教練

每日節目推介|家瑜被迫放棄教力圖 重遇當年魔鬼教練

You May Also Like