由 COLLAR 成員 Ivy So 蘇雅琳及趙善恆執導及演出的全新 ViuTV 劇集《和解在後》今晚首播，劇集講述劇集講述一眾調解員在處理不同案件背後的因果同時，各人從中面臨抉擇和成長的故事；首次拍劇的 Ivy 大讚劇組台前幕後都十分溫柔善良，開玩笑指這裡宛如「養豬場」。
Ivy @ Collar 首度拍劇大讚劇組溫柔善良
如豬一樣獲劇組餵食及供養：「肥到連唔到戲」
ViuTV 全新原創劇《和解在後》星期一晚 9 點 30 分首播，劇集首季 15 集由 COLLAR 成員 Ivy So 蘇雅琳及趙善恆執導及演出，更有梁祖堯、谷德昭、爺爺岑珈其等，首次拍劇的 Ivy 大讚劇組溫柔善良，開玩笑指這裡宛如「養豬場」：「比如我去美術部、機燈組、梳化服，佢地都會係咁餵我食嘢，不斷供養我。咁樣每日一啖，就唔小心養肥咗。監製有講笑話我中間有段時間肥到唔連戲。」 Ivy 更笑指因為常被趙善恆（恆仔）取笑對零食毫無抵抗力，所以拍攝期間每日都有固定的禁食時間和頻密做運動，以保持狀態。
廣告
導演恆仔對 Ivy 表現讚不絕口
「進步十分驚人，睇得出佢非常勤力」
作為導演的恆仔對首次拍劇的 Ivy 表現讚不絕口：「由第一日好緊張去到宜家好從容去處理拍攝，佢嘅進步係十分驚人。同埋睇得出佢非常勤力，做咗好多功課，每一頁劇本都寫咗好多 Notes ，所以由一開始已經可以將角色拿掐得好好。」在旁聞言的 Ivy 即謙虛指不敢當，坦言自己表現仍有進步空間。而今次在劇中驚喜現身的尹光笑言除了拍劇之外，有機會的話亦想和恆仔在音樂上合作：「導演肯同我拍檔一齊 Rap 下，係我光榮。最好搵我一齊 Jam 下歌。」
首集劇情曝光
Ivy 因找不到法律相關工作暫入調解中心當實習生
星期一播映的首集，劇情講述法律系畢業生方圓（ Ivy So @ COLLAR 飾）因找不到法律相關工作，暫入調解中心當實習生。為人黑白分明的方圓，卻被安排跟隨毫不重視規範的調解員葉志凡（趙善恆 飾）。起始只是看似微不足道的漏水個案及珠寶紛爭案，阿凡卻處處落場調查，方圓認為有違規範，揭破其中一方的謊言後更認為要終止調解。事件由小紛爭發展至鬧劇，繼而發酵成全城熱話！是否找出雙方的潛藏動機，就得以找到共存的空間？
廣告
「今晚睇咩好」全新專區登場，即時電影電視影視消息，串流平台好節目，每日必看節目資訊！即時關注「今晚睇咩好」 Facebook 及 Instagram ，想聯絡我們或報料，即刻電郵我們。另外亦可訂閱我們電子報，接收最新資訊。
Disney+ 兩個月快閃優惠
即日起至 9 月 21 日下午 2 點 59 分香港觀眾可以 $36 訂購 Disney+ 2 個月，即平均每月 $18 ，較原價 $73 便宜足足 $55 減幅 75% ！隨時隨地觀看最新迪士尼、 Marvel 、《星球大戰》及一系列港產片、美劇及韓劇等。
