fbpx

今日節目推介|話參賽者聲淫身材假 七仙羽師傅成功突圍

ViuTV 靈異節目《鬼同妳上位》,打正旗號賣靚女,賣「假」,你要上位就要喺節目面前交足戲,真喊定假喊唔重要,最重要係唔悶,夠誇,夠令你多人識同上位。今晚 11 點《鬼同妳上位》淘汰後嘅五位參賽者,將會移師到荒山野嶺,著上紅色旗袍,喺榕樹下進行遊地獄,輪流同靈體接觸,唔係唔出事呢?

廣告

《鬼同妳上位》播出以來新聞多多,造假,參賽者被鬼上,女仔之間八婆上身互寸,同埋唔係參賽但就堅上位嘅風水師七仙羽師傅。節目由火火、保錡同風水師七仙羽師傅做主持,搵來七個入咗娛樂圈但又無咩人認識嘅女仔去鬧鬼或者靈異地方探險;節目講到明最後得一位冠軍,但比你贏都係無獎金無獎品,只在贏名氣。

節目踏入第二個星期,網上討論度最高除咗係一班參賽者外,七仙羽師傅成功突圍而出,憑講唔正講廣東話,時常寸爆參賽者,一時話個女仔叫聲好淫,一時又話參賽者好悶,自己唔識講粗口都要講粗口話參賽者唔得,到保錡讚佢識搞氣氛時,就話自己唔悶因為學歷高,成功製造話題,難怪被網民大讚佢做得好。七仙羽師傅碩士畢業,曾經去過外國留學,做過記者,仲係暢銷小說作家、專欄作家等等等等!

廣告

其實節目第一集已經開宗明義,叫參賽者如果想上位就要夠假夠誇,要學識點樣唔悶,製造話題,靈異只係節目外殼,女仔同女仔之間八婆互寸只係節目效果,一切只為造 Noise ,如果明白呢一切,節目確實係合格嘅。

廣告

【#今晚推介節目】
? 8P on #港台電視31《#議事論事》
? 1030P on #ViuTV《#踢館》
? 11P on #ViuTV《#鬼同妳上位》

Share This Article
Leave a comment