第 72 屆艾美獎將於今早 8 點舉行，係首個大型荷里活頒獎禮以全「虛擬」方式舉行，除咗主持外，頒獎嘉賓將以視像方式登場。頒獎禮將於 8 點開始，喺 FOX Life 頻道直播。
話係係全「虛擬」方式，到底點樣做呢？頒獎禮將於 Staples Centre 舉行，由 Jimmy Kimmel 主持，頒獎嘉賓就唔會喺現場現身，但就透過視像，以大會一早已經為候選人拍咗得獎感人片段，所以播邊個段片，代表邊個得獎。
嘉賓方面，大會一早表明會有 138 位巨星，位於 114 個地方， 10 個國家將會登場，當中包括 Oprah Winfrey 、 Morgan Freeman 等等。
提名方面，之前亦都有報道過， Netflix 破紀錄奪得160項提名，贏上年 #HBO 創下137項提名嘅紀錄，但講影集《保衛奇俠》（ Watchmen） 就獲得最多嘅 26 項提名，預測劇集將毫無懸念奪得「最佳迷你劇集」獎項，至於「最佳劇情劇集》預測 HBO 劇集《傳媒家族繼承人》 （Succession）將勝出。
廣告
劇集類個人獎項方面，女主角預測會由 AppleTV+ 的《晨早直播室》（The Morning Show） Jennifer Aniston 奪得，而男主角方面則預測由《傳媒家族繼承人》 （Succession）的 Brian Cox 奪得。
艾美獎由以往電視台爭奪戰，近年成為 OTT 界爭奪戰，今年 Disney+ 更首次加入，憑《Mandalorian》獲提名，但相信今年仍然會是 HBO 與 Netflix 爭王。
