fbpx

周四電影院|《花木蘭》上畫一周僅 100 萬票房 台灣票房冠軍電影今周上畫

《可不可以,你也剛好喜歡我》劇照
《可不可以,你也剛好喜歡我》劇照

《天能》上映三星期正式破 3000 萬票房,而上周新上畫嘅電影《麥路人》無懼網民杯葛下成績最好,有近 400 萬票房,至於《花木蘭》 #BoycottMulan 下只有 100 萬票房。今周將有六部電影上畫包括台灣票房冠軍《可不可以,你也剛好喜歡我》。

戲院重開接近一個月,《天能》繼續成為票房冠軍票房達 3000 萬,至於《屍殺半島》則維持大約 1600 萬,《幻愛》亦於前幾日破 1400 萬票房,全年港產片計僅輸俾《乜代宗師》。今周新上畫的《麥路人》口碑兩極,被指係題才貼地,劇情離地,網民指想睇郭富城同張達明,但又要杯葛楊千嬅,表現不過不失有 400 萬票房。《花木蘭》唔使講,喺零宣傳及全球杯葛下,經過一星期都係得 100 萬票房,而迪士尼更喺今日宣佈,將會延遲多部原定今年上畫嘅電影,包括三部 Marvel 作品《黑寡婦》、《永恆族》、《上氣與十環幫傳奇》,兩部 20th Century Fox 作品《The King’s Man》及《West Side Story》則提早發行。

講返今個星期有六部電影上畫,包括重點推介,台灣年度華語片票房冠軍,加上《比悲傷更悲傷的故事》編劇嘅台灣電影《可不可以,你也剛好喜歡我》,好耐無出現嘅台灣校園純愛電影,加上兩大新人曹佑寧同《我們與惡的距離》嘅陳妤,青梅竹馬單戀嘅故事,幫好姊妹追自己鍾意嘅人,仲要撮合三對不可能一齊嘅男女,搞笑得來亦都好甜蜜。另外上映嘅仲有《鋼鐵雨2: 核戰危機》、《無痛失戀》、《末世綠洲》、《奇蹟車站》同《孤雁和你飛》,而《聖荷西謀殺案》亦於星期五開始設優先場。

Total
0
Shares
Prev
原來購物都可以賺錢 AppStore 結帳即賺 5%

原來購物都可以賺錢 AppStore 結帳即賺 5%

Next
今日節目推介|話參賽者聲淫身材假 七仙羽師傅成功突圍

今日節目推介|話參賽者聲淫身材假 七仙羽師傅成功突圍

You May Also Like