ViuTV 劇集時好睇時唔睇，唔知仲有幾多人仲睇緊《熟女強人》，但綜藝節目 ViuTV 一向做得好，近期播映嘅《#吃掉前男友》有唔少熟悉門孔，連佢哋嘅 Ex 好多大家都認識，今晚就有小儀講佢同佢 Ex 分手經過， 11 點鐘 ViuTV 《吃掉前男友》。
《吃掉前男友》搵來一班唔同年齡，唔同身份嘅女嘉賓，一齊講同 Ex 嘅經歷，咁講得嘅通常都係唔開心㗎啦！今晚就繼續有小儀分享同 Ex 嘅經歷，佢話曾經有諗過同拍拖七年嘅男友結婚，但去到 30 歲時兩個突然分手，「嗰陣唔知幾時會再有下個男朋友，覺得好灰。因為突然無咗個男朋友，好多計劃都延後哂。」。而今年 49 歲嘅佢對婚姻又有咩睇法呢？今晚呢集小儀更因為張蔓姿同張蔓莎嘅一個行為而喊，更有感而發話點解會有第三者出現，仲想向每位前度道歉。
【#今晚推介節目】
? 8P on #港台電視31《#議事論事》
? 1030P on ViuTV《#玩謝我阿婆》
? 11P on ViuTV《#吃掉前男友》
