《暖男爸爸》首集播完，節奏雖然慢故事亦都唔係好爆咁，但勝在鄭中基同暴龍哥條線值得期待，而首集亦都睇得舒服同入戲，值得繼續追落去；今晚劇情講到張可頤飾演嘅芷明為避前夫，決定同鄭中基飾演嘅阿榮同佢囝囝暴龍哥一齊去親子營，點知就遇上前夫出軌對象。今晚九點半 ViuTV 全新一集《暖男爸爸》。
《暖男爸爸》首集播完後，網民反應一致好評，讚嘅有鄭中基演出自然令人入戲，大家都好期待佢同暴龍哥兩父子喺劇入面點樣行，令人驚喜嘅仲有方皓玟重新演繹《我代你哭》，網民話終於等到小明上 ViuTV ，又對劇集獲多個贊助而覺得犀利等等，暫時唯一嘅負皮係大家覺得張可頤演技同之前作品一樣，仲講到有《九五至尊》影子，係咪大家搣唔甩佢嗰個「形象」咋？
【《暖男爸爸》今晚劇情 】
芷明跟阿榮訴說前夫Roger出現，為了逃避Roger的邀約，週未與阿榮及暴龍哥參加親子營，卻在營中遇到Roger的出軌對象Kat（沈殷怡 飾），Kat已與Roger分手並結婚生子，芷明無限感慨，阿榮看着，勸芷明要面對舊傷口，才能真正復元。阿榮自己卻在親子營中，逃避暴龍哥的輔導老師Leah（Crisel Consunji）。Leah關心暴龍哥及阿榮的情況，阿榮虛應說二人無事。Roger向芷明還錢，重新約會芷明，但芷明表明拒絕，她無法再信任Roger。
【#今晚推介節目】
? 730P on #ViuTV《#娛樂OnAir》
? 930P on ViuTV《暖男爸爸》
? 11P on ViuTV《#大海男兒》
