藝人高海寧（高 Ling）日前與維特健靈董事長陳曦齡及一眾嘉賓，一同主持維特健靈中心尊尚會開幕儀式。身為品牌祛濕輕系列代言人的她，以一襲米白色貼身連身裙現身，盡顯健康線條與自信氣質。高 Ling 剛結束一個月假期，連續到訪三個國家旅遊，心情大好，笑言「能夠維持最佳狀態，全靠祛濕輕產品幫忙」。她表示：「我工作好忙，冇時間做運動或煲湯調理身體，靠食祛濕輕產品，令自己保持輕盈，上鏡都冇咁水腫。」
旅行放鬆身心
首次獨遊南法成功突破
結束拍攝前的緊密工作後，高 Ling 形容這趟假期是一趟「重新充電」的旅程。她透露先後前往滑雪場、峇里島及南法，「今次係我第一次一個人去旅行，一開始都有啲擔心，但原來只要勇敢嘗試就可以做到。當完成到之後，真係好有滿足感。」她認為獨自旅行能讓人重新思考生活方式，從不同文化與人身上學習，「喺外國見到唔同人嘅生活，會覺得人生有好多選擇，呢個旅程令我學識放鬆自己。」
遇見新朋友
不排斥異國戀情
談到南法之旅，高 Ling 笑言收穫不少友誼，更在社交平台上載與法籍男子的合照，引來粉絲熱議。她開心地說：「如果同朋友一齊去旅行，未必有機會識到新朋友，但今次自己一個人反而識咗好多有趣嘅人。」她透露認識了來自瑞士、法國的旅人及藝術工作者，大家在旅途中交流生活與故事，令她留下深刻印象。被問及有否「艷遇」，她笑言：「其實我都好想有，可惜冇發生到。不過我唔抗拒異國戀，緣份安排到就順其自然，生個混血 BB 都唔錯呀！」
不考慮遠距離戀愛
盼明年再出發
對於遠距離戀愛，高 Ling 坦言難以接受：「我工作好忙，如果仲要 Long D，感情維繫會好難。我唔係嗰啲鍾意用 message 傾偈嘅人，覺得好尷尬，唔識講乜。」她笑言現階段仍以工作為先，要再安排假期旅行可能要等到明年，「如果有機會放假，我想 join 蘇師傅（蘇民峰）去北海道滑雪，佢話嗰邊啲雪最靚。」
訂閱全新生活著數優惠平台「港角」電子報，及關注「港角」 Facebook 及 Instagram ，即時收到最新生活資訊及著數優惠！想聯絡我們讓更多觀眾了解你的品牌資訊，即刻電郵我們。
