fbpx

今日節目推介|屍殺最強大肚婆夥拍南柱赫 《非常校護檔案》全季上架

1
1

改編自同名小說,由鄭裕美飾演嘅安恩英自出世後,不時都會見到啫喱泡泡,就死嘅人會化身啫喱,成魔嘅人又會出現啫喱,但見到魔嘅人又點止得佢呢?佢同南柱赫將會一齊斬妖除魔!韓劇《非常校護檔案》 首季六集 Netflix 上架!

《非常校護檔案》改編自韓國日報文學獎得主鄭世朗 2015 年嘅作品,由《屍殺列車》大肚婆鄭裕美同南柱赫飾演。鄭裕美飾演嘅安恩英自細都會見到另一個世界嘅嘢,不同「靈魂啫喱」,媽媽死時會化身一團啫喱,人被啫喱入侵後更會成魔做錯事。長大後嘅佢入咗間學校做校護,伸縮著燈劍、 BB 彈槍、靈牌,全部都係用來對令啫喱嘅武器,而佢需要喺背後默默幫人。

首集睇得都非常過癮,講一對學生男女即將喺埋一齊,而另一個學生就因為鍾意個女仔,唔想佢被表白,仲被啫喱入侵咗;鄭裕美就覺得地下室有秘密,於是落去用伸縮著燈劍打低唔好嘅啫喱,呢個時候學校創始人後代兼中文老師南柱赫就出現,佢聯同鄭裕美深入地下室底層,佢仲唔開心揭開一舊石頭,釋放咗怪獸,令到全間學校嘅學生失控上天台自殺,呢個時候鄭裕美就上到天台用劍朴準備越過圍欄嘅學生救佢哋。

原來南柱赫自身有好強嘅力量,有泡泡保護自己外,仲可以增強到鄭裕美嘅力量,令佢嘅武器可以 Power Up 對令怪獸。
 
【#今晚推介節目】
? 7P on #YouTube《#台灣金鐘獎》
? 8P on #ViuTV《#台上台下》
? 9P on #ViuTV《#殺破狼‧貪狼》

Total
0
Shares
Prev
《The Mandalorian》限定版即影即有 Baby Yoda 相紙見過未?

《The Mandalorian》限定版即影即有 Baby Yoda 相紙見過未?

Next
教你用 $13 整走 Brian Cha 一個方法 YouTube 廣告即消失

教你用 $13 整走 Brian Cha 一個方法 YouTube 廣告即消失

You May Also Like