ViuTV 綜藝節目《周六食花生》全新一集將於星期六晚 8 點 30 播出。今集請來《九龍城寨之圍城》的團隊，包括林峯、劉俊謙、胡子彤同張文傑擔任嘉賓，分享拍攝期間的趣事和感受。
林峯自爆受傷驚險事意外墜樓
劉俊謙被電單車死氣喉燙傷胡子彤需縫針
全新一集《周六食花生》繼續由陳俞希（Hailey）、李禹燊（Oscar）和黃汛一（Jake）擔任主持，星期六晚播映一集請來《九龍城寨之圍城》的團隊，包括林峯、劉俊謙、胡子彤同張文傑擔任嘉賓。今次戲中有大量打鬥場面，林峯自爆受傷驚險事：「有個動作係要 S 字形走位，之後去檢查嗰陣先發現原來十字韌帶斷咗一半。仲有次試戲嗰陣，係二樓同武師對打。個情景就係佢要向我進攻，我就要向後退。點知，我就唔小心差錯腳，就由二樓跌咗落一樓。好彩下面有一堆道具墊住，就無點受到傷。最唔抵係當時未 Roll 機，無拍到。」而劉俊謙就分享指拍攝期間，就不小心被電單車死氣喉燙傷小腿；而胡子彤則意外被踢傷下巴，需縫 14 針。
劉俊謙笑言看《尋秦記》長大
大讚林峯十分溫柔和細心
談及對彼此的印象，劉俊謙笑言小時候是看《尋秦記》長大，所以林峯是陪自己成長的一個大哥哥，並指其十分溫柔和細心：「佢知道我非常喜歡金莎。有日拍到好攰，佢就遞咗盒金莎送俾我。個刻真係覺得，個盒金莎係我嘅所有。」被問及下次 4 位兄弟合作會想拍甚麼題材，林峯笑言想拍一齊拍 BL 四角戀，令在場所有人都哭笑不得。
「今晚睇咩好」全新專區登場，即時電影電視影視消息，串流平台好節目，每日必看節目資訊！即時關注「今晚睇咩好」 Facebook 及 Instagram ，想聯絡我們或報料，即刻電郵我們。另外亦可訂閱我們電子報，接收最新資訊。
