有網民於討論區上討論，指長期租住六星級酒店 Rosewood ，期間懷疑有員工主動以 WhatsApp 問他拎利是，意外將他的物品如價值 $2,300 的 Bose 耳機、 KFC 晚餐等掉到垃圾筒後，以網民指是「賓館」式對話回應他，指「咁依家洗唔洗上黎同你 Say Sorry 先（咁而家使唔使上來同你道歉）。有網民看完對話，難以相信是六星級酒店的服務，CS 對答太 Casual 等。
當時人更於網上講述事件經過，「Rosewood瑰麗酒店/府邸，是近期佔據我人生較多時間既地方，本想繼續長期租住，可惜這裡令我太多不快。加上原定計劃4月1日開始承租旗下瑰麗府邸作工作基地及私竇，因為 谷友 羅彤 分享不幸事件，我本人會再三考慮是否繼續承租旗下瑰麗府邸，反正支票已開好只差簽約程序。容我分享一下我在瑰麗酒店的不快事件，包括多次拋棄我私人物品和食物多達五次之多，建議各位考慮入住時如要房務員清潔房間，請親自在場監督，有時房務員掉錯野有時最嬲唔係佢掉咗我野，反而係佢哋處理手法，何謂火上加油。另外五星級酒店員工顯然沒接受過training…竟然會親口問客人攞利是（詳見第五張圖），呢下真係令我啞口無言。我衷心希望Rosewood既管理層正視及解決其問題，酒店行業係一行好講心思、心機既行業，希望管理層明白服務做唔好、心態唔變、你點捽數都無用。Rosewood其實有好多人材，希望你哋唔好浪費佢哋亦請你哋改掉一向高傲既作風，我曾經因為你哋既事有要求Guest Service Manager既然你哋話唔到事就安排我同你哋既GM見面，可惜呢？佢哋話GM準時收咗工??我喺你哋Rosewood花既錢可能唔係好多 都有50-100萬掛，但如果你哋都唔正視種種問題我諗唔會再有人咁樣提醒，我哋唔係要你執笠係想你哋進步，再係咁落去，你哋既價值就由市場去定你哋。」
