將於今個星期四上畫嘅《花木蘭》（Mulan），香港可以話係零宣傳，巴士站、港鐵、電視等等全部零廣告，就連網上廣告亦都唔見有。因為劉亦菲撐警以及片尾感謝新疆自治區宣傳部，全球繼續有「#BoycottMulan」熱潮，電影明顯主打內地，可惜連內地票房都唔爭氣，《花木蘭》上星期五於內地上畫，累積票房截至星期日僅收 1.59 億人民幣。
《花木蘭》於周末票房表現最好，贏上畫兩星期的內地電影《八佰》，而因片尾感謝新疆自治區宣傳部，內地相關部門更短暫抽起電影消息，試圖淡化「新疆事件」，據知《花木蘭》製作成本為 $2 億美金，而內地貓眼預測《花木蘭》將有 $2.8 億人民幣，有機會蝕本收場，種種因素下令電影票房表現麻麻。至於上畫接近兩周嘅《天能》（Tenet），票房有 $3.5 億人民幣，預測總票房為 $4.4 億人民幣。
