《熟女強人》後 ViuTV 緊接有另一部自家製劇集《暖男爸爸》，有出名要求高嘅張可頤，同受大家喜愛有原則嘅鄭中基，單講陣容已經令人期待，而首集故事已經直入重點，忘記上套《熟女強人》今晚九點半 ViuTV 《暖男爸爸》首播。
確實上部《熟女強人》係令觀眾失望嘅，老套劇情加每條線都難以投入，《暖男爸爸》就有分別曾任大台劇《踩過界》同《使徒行者》嘅編審羅俊偉同梁崇勳擔任導演，另外仲有主要執導電影，曾執導過《刑警兄弟》嘅戚家基擔任導演、編劇同監製，可以話係參與近年比較受大眾歡迎嘅劇集。 ViuTV 劇集一向主角有睇頭之餘，配角一樣有，今次有劉江、余香凝、姬素．孔尚治（Crisel Consunji）等；講返今次兩位主角，鄭中基同張可頤，前者相隔 18 年再度拍劇，兩人更喺 20 年繼《緣份無邊界》再度合作，鄭中基接受訪問時話，今次劇本故事非常生活化，探討人性，入面一眾角色所面對嘅嘢，你同我都會面對到，亦因為劇本夠貼地令佢接拍。
講返《暖男爸爸》故事，故事講單親爸爸阿榮（鄭中基 飾）喺妻子離世後，要獨力照顧囝囝過程中變成識得愛同付出的暖男。而因妻子生前購買嘅保險，令阿榮認識保險顧問芷明（張可頤 飾）。二人因各自的人生經歷，成為無所不談的好朋友。睇完故事大鋼，唔好以為 20 集劇情就講佢點由認識 Maggie 到相愛等等等等咁老套，因為第一集佢兩個已經識咗，而整個故事似係鄭中基照顧囝囝「暴龍哥」同身邊唔同嘅人，多過談情說愛老套劇情。
【《暖男爸爸》今晚劇情 】
便利店老闆阿榮（鄭中基 飾）妻子逝世後，在保險顧問芷明（張可頤 飾）和單親媽媽Ling（文凱玲 飾）的提點幫助下，一邊經營便利店，一邊獨自照顧讀幼稚園的兒子暴龍哥，由最初一片混亂，如今總算大致順利。芷明工作上成功，感情卻曾遇大挫折，前夫Roger（邵仲衡 飾）出軌離婚後回來，大獻殷勤，芷明還以為Roger想再續前緣，沒想到只是借錢。少女E（章尾而 飾）被男朋友Chok（曾贊學 飾）欺騙，傷心搬離同居家，來到便利店，得到老闆阿榮和兒子暴龍哥的安慰，開始在便利店打工。
【今晚推介節目】
? 730P on ViuTV 全新節目《娛樂OnAir》
? 930P on ViuTV《暖男爸爸》
? 11P on ViuTV《大海男兒》
English (UK) 
繁體中文 