《色慾都市》製作人製作，《穿著 Prada 的惡魔》時尚達人 Patricia Field 指導，可以話係劇集版嘅《穿著 Prada 的惡魔》，女主角 Lily Collins 換上超過 50 間包括 Dior 、 Givenchy 等牌子，首季《艾蜜莉在巴黎》（Emily in Paris）今晚 Netflix 上架！
一睇班底就知呢部劇值得睇，十年前睇過《穿著 Prada 的惡魔》嘅要睇，剩係睇衫都抵睇啦！至於點解話似《穿著 Prada 的惡魔》，因為故事都係講女主角 Emily 喺美國芝加哥一間行銷公司工作，靚靚又好多新想法嘅佢，仲因為公司併購法國高級精品公司而有去巴黎嘅機會，去到巴黎令佢喺事業、愛情上有所變化。
近排 Netflix 部份電影同劇集，都會搵主角擔任製作人，而今部都唔例外， Lily Collins 除咗做女主角之外，仲做埋製作人，佢接受訪問時仲話，會將過去試鏡失敗嘅經歷放入呢部劇入面。
呢部劇多人期待，但已經有外國傳媒俾分，其中英國《獨立報》五分入面俾一分，更加叫法國人、識法文嘅人、去過住過法國嘅人，就連望過一張艾菲爾鐵塔嘅人，都唔會鍾意呢部劇，因為劇中嘅巴黎完全唔係真實嘅巴黎，只係被打造，好似巴黎嘅一個地方。
至於好唔好睇，大家睇完就留言啦！
【今晚推介節目】
? 7P on HBO Family《史諾比: 花生漫畫大電影》
? 930P on ViuTV《熟女強人》
? 1030P on ViuTV《玩謝我阿婆》
English (UK) 
繁體中文