fbpx
$0.00

購物車內無任何商品

$0.00

購物車內無任何商品

★★★★☆ 推介|你可能走漏眼的韓劇 《 Start-Up:我的新創時代 》集集都有洋蔥位

由秀智飾演的徐達美,帶領著三山等人創業,佢哋未必有經驗但勝在信任大家,有咩一齊撐。
廣告

《青春紀錄》迎來大結局,但韓劇一套接一套推出,當中有備受期待結局令人失望的《九尾孤傳》,剛開播即成為話題,被喻為神作《 Signal 》後又一以隔世追兇為主軸,燒腦劇《 Kairos 》,但今次要推介的是僅播六集,於 Netflix 緊接韓國播放由秀智及南柱赫主演的《 Start-Up:我的新創時代》 》又稱《 Start Up 》。劇集雖不及《 Itaewon Class 》熱血,但講感動絕對比得上,首集播放後網民即成討論區熱話,說因劇中金海淑飾演的奶奶一角,與金柱憲飾演的爸爸,令網民哭慘。

《 Start-Up:我的新創時代》由秀智及南柱赫擔正

首集及故事大鋼 警告含首集劇透
(先聲明,老套同感動好多時都係一線之差,我覺得感人,你可能覺得老套)《 Start-Up:我的新創時代》由秀智、南柱赫、姜漢娜和金宣虎主演,單是宣佈演出陣容後,就令網民非常期待,男神女神已經夠話題。故事講述女主角由秀智飾演的徐達美與姜漢娜飾演的元仁才是姊妹關係,父母因金錢觀念而決定離婚,徐達美決定跟爸爸,元仁才決定跟媽媽,從此展開不同的人生。元仁才媽媽與財閥結婚,搖身一變成為「富二代」,相反徐達美跟爸爸與奶奶生活,爸爸嘗試創業但失敗,更於一次「賣橋」前被車撞,賣橋成功但賭上了生命,令徐達美與奶奶相依為命。徐達美與姐姐元仁才一直感情要好,姐姐突然跟上媽媽,令她感到被出賣。有一日,奶奶在街上遇上於孤兒院長大,由金宣虎飾演的韓志平,韓志平離開孤兒院無家可歸,手上僅有孤兒院給他的錢及虛擬股票比賽上贏到的股份,此時與上徐達美的奶奶,奶奶更給他地方住,一向不相信人係善良的韓志平,因未成年要奶奶幫忙開戶口「炒股」,更賺了不少,奶奶知道徐達美沒有朋友,所以叫韓志平以「仰慕者」的身份關心徐達美,以偶爾於報紙上見到的天才南道山為著名,亦即南柱赫所演的角色。

金柱憲(右)飾演的爸爸,作為一家之主非常勤力,但得唔到老婆欣賞,與徐達美及媽媽相依為命,希望能夠創業改變屋企,但最終因意外去世。

有一天,韓志平見到奶奶將一筆錢給當時未死的爸爸,他用奶奶的名開戶的帳戶亦突然被取消,他以為奶奶用他賺的錢給了她的兒子,非常憤怒,怎料是一場誤會;韓志平因為內疚,決定離開以自己賺的錢展開新的生活,奶奶在他上車前來到車站,為他穿上一對新鞋,又告訴他,「如果成功了就不要聯繫我,我不想妒忌,但如果你累就聯繫我吧。」接著的故事便是各人又遇上了,徐達美和元仁才因為一些事件而加入 Sandbox ,一個給有潛力的初創企業投資,成為 Start Up 的地方一決高下,徐達美要證明給元仁才睇,「她當初揀跟爸爸是正確的」。

金海淑飾演的奶奶,見到佢代表要拎定紙巾。心入面只希望徐達美好,遇上孤身一人嘅「小乖乖」,令佢成為最好奶奶。
姜漢娜飾演的元仁才,對呢個角色投入唔到。想人認同,但其實咩都無做過。

配角帶入戲超感動 
劇集只係播了六集,有睇《 Itaewon Class 》都明白個頭開得好,唔代表個尾會埋得好。相比起兩位主角秀智同南柱赫,配角成功令觀眾入戲,一定要講係金海淑飾演嘅奶奶,每次佢嘅出現都係洋蔥位,你會話呢個世界邊有咁善良咁為人哋諗嘅人,或者應該話好多嘢佢都睇唔過眼,見到當時仲係小朋友嘅韓志平孤身一人,鞋又爛,咪俾個地方佢住囉,而韓志平其實內心善良,但就倔強唔相信奶奶真係一個咁好嘅人,兩個人條線非常感動,而奶奶嗰份「睇唔過眼,幫得就幫」嘅做人道理,就好似傳承到韓志平身上,暗中幫徐達美亦都報答返奶奶。認真,金宣虎於劇集非常 Charm ,甚至比南柱赫角色更吸引。

一個倔強只會轉身喊嘅韓志平,同默默希望人好,永遠都睇唔過眼嘅奶奶,佢兩個條線係最好睇。
金宣虎飾演的韓志平可以話係劇中最吸引嘅角色,好似好冷漠,但其實暖男一個,為報答奶奶暗中幫助徐達美。

故事夠熱血 睇盡兩女主角心中矛盾
故事講創業,同樣係兩姊妹證明俾對方睇,「我當初嘅決定無錯」,徐達美被決定同爸爸生活,阿爸無錢無事業,但贏在有愛,為養屋企返工被捽數俾人打,但返到屋企就扮無事,阿媽就覺得尊嚴,唔開心唔係問題,做得一家之主就要有錢,阿爸同阿媽嘅諗法截然不同,亦都令兩姊妹之後成為不同諗法嘅人,家姐元仁才成為家族生意話事人,有錢有地位有人脈,仲笑阿妹應該同自己一樣跟阿媽,徐達美就無錢無人脈中學畢業,對鞋著到爛都係要筆畫就算,但佢完全無後悔,佢亦都要證明當初跟阿爸係正確。不劇透關係,元仁才決定要重新來過,巧合地同妹妹徐達美一齊加入 Sandbox ,元仁才想獲得認同,想靠自己成功,徐達美不靠人脈,但憑自己憑自己信念;兩姊妹到底邊個成功,而作為觀眾睇盡兩女主角心中矛盾,睇得人非常熱血同投入,更可以話係《 Itaewon Class 》後今年第二部最熱血韓劇。

徐達美成為 CEO 可以揀選四人入自己創業隊伍。
兩姊妹於 sandbox 聚頭。
另一個非常喜歡的角色,徐宜淑飾演的尹善學,是 Sandbox 的設立者,亦同徐達美有神秘關係。

《 Start-Up:我的新創時代》於香港及台灣 Netflix 獨家上架,逢星期六日晚更新。劇集於韓國 tvN 上播放。

廣告
廣告

MOST POPULAR

廣告

RELATED ARTICLES