fbpx
0,00 $

購物車內無任何商品

0,00 $

購物車內無任何商品

今晚節目推介|為睇朴寶劍而睇 《青春紀錄》首播贏晒

追夢喺呢個世界近乎無可能,想做畫家出街買個顏料都有機會俾人拉,想做明星又俾人話發明星夢,除非你係朴寶劍啦!全新一集《青春紀錄》今晚 9 點半 Netflix 同韓國同日上架!

新劇《青春紀錄》播咗兩集,首播成績比《愛的迫降》以及《雖然是精神病但沒關係》,原因當然係易入口、青春愛情劇喎,唔收得就大件事啦!朴寶劍一向係韓國國民寵兒,近排更因劇集榮升演員話題榜冠軍。

《青春紀錄》故事簡單直接,以人物性格帶動故事,每個角色性格都分明,朴寶劍想靠自己努力做演員,想紅,接受設計師潛規則咪有錢可以紅囉,佢 Say No ,因為唔做曳曳嘢,人哋正經人家來㗎;朴素丹係朴寶劍粉絲,手機 Wallpaper 係佢,終於見到朴寶劍真人啦,佢無咩怕醜,因為佢係一個專業化妝師助手,朴寶劍問「你係咪喜歡我,係我粉絲」,咁醜就算係偶像,呢個時候都唔可以認,仲要話係佢朋友邊佑錫嘅粉絲,咁樣咪可以若無其事,接觸多啲朴寶劍囉(其實現今有邊個女仔會係咁諗?)!

Anyway ,簡單嘅故事同人物性格,加上朴寶劍,故事只要正正常常已經無得輸,而劇組清楚明白大家睇呢部劇,就係為咗睇朴寶劍,Close up大頭,定鏡等等等等,都影得朴寶劍好完美,贏㗎啦!

今晚第三集,講飾演彗峻嘅朴寶劍終於知道自己落選嘅原因,下定決心當兵,而當兵佢同朴素丹飾演嘅安正河來個關係大躍進!

#今晚推介節目】
? 930P on Netflix 《青春紀錄》
?1030P on #ViuTV#踢館》
?11P on #ViuTV#鬼同妳上位》

MOST POPULAR

RELATED ARTICLES

LEAVE A REPLY

Please enter your comment!
Please enter your name here