fbpx
$0.00

購物車內無任何商品

$0.00

購物車內無任何商品

《天能》必睇五大原因

《天能》作為今年必睇電影之一,全球票房已經達 $1.5 億美元,單單基斯杜化路蘭(Christopher Nolan)呢個名已經值得入戲院睇,如果仲諗緊入唔入戲院睇,睇埋呢個《天能》五大必睇原因之後,應該無懸念啦!⠀

? 全實景拍攝無綠幕 用真飛機來撞基斯杜化
路蘭一向唔鍾意用 CG 同綠幕,有得揀實景演員親身上陣,佢一定揀,所以《蝙蝠俠-黑夜之神》喺香港 IFC 跳落嚟一幕,香港政府唔批,咪成為佢人生其中一個遺憾囉。講返《天能》,戲入面無用綠幕,全部實景拍攝,最轟動莫過於用真飛機撞機會貨倉一幕。基斯杜化路蘭原本諗住用模型加電腦特技,好似《星際啟示錄》咁拍攝,但去到現場發現有好多舊飛機,於是計埋數發現買架真飛機來撞,比模型同 CG 逼真好多之餘又唔係真係咁貴,咁就用咗大約 1.2 億港幣買架舊飛機來撞啦!⠀

? IMAX 拍攝 三大洲七個國家拍攝
基斯杜化路蘭嘅電影點會喺一個地方拍晒呀,今次《天能》就去咗三大洲七個國家拍攝,包括熟悉嘅英國、美國,仲有愛沙尼亞、意大利、印度、丹麥同挪威,數最靚一定係丹麥波羅的海附近尼斯泰得嘅海上風力發電場,以及戲中游艇戲位於義大利阿瑪菲海岸辛布隆莊園。⠀喜歡用 IMAX 拍攝嘅基斯杜化路蘭,今次當然繼續用 IMAX 啦,主角 John David Washington 都話拍攝時周圍都係 IMAX 攝錄機,一反動作片嘅傳統。呢部戲總共用上 1 千 600 萬呎 IMAX 菲林,而因為戲中有好多「逆行」情節,劇組要同 IMAX 合作研究同幫忙。《天能》好多部份都用上 IMAX 拍攝,要睇到盡就要入 IMAX 戲院睇啦!⠀

? 製作費 17 億 比得上《蝙蝠俠:夜神起義》
撞飛機,多國拍攝, IMAX ,全部都係錢!有指《天能》製作費高達 $2 億美元,相等於超過 $15 億港元,係基斯杜化路蘭最貴嘅作品之一,僅次於《蝙蝠俠:夜神起義》嘅 $2.5 億美元。有外國傳媒就話《天能》全球票房需要有 $4 億美元先回到本, $4.5 億元先至有賺。

? 演員要學識倒後行
為咗唔用綠幕特技,一眾演員需要喺拍攝前特訓,特訓項目包括「倒後行」,男主角 John David Washington 就話佢學倒轉說話,點樣眨眼、打交、跑、擋,出拳等等都要倒轉做。⠀

? 奧斯卡陣容 配樂大師 Ludwig Göransson電影緊湊到你諗都無時間諗就會發生另一件事,當中配樂節奏亦都非常緊湊同特別,而一向同基斯杜化路蘭緊密合作嘅漢斯季默(Hans Florian Zimmer)當時為《沙丘魔堡》進行配樂,所以今次由奧斯卡配樂大師 Ludwig Göransson 操刀。

廣告

MOST POPULAR

廣告

RELATED ARTICLES